Proverbi Meteo in dialetto

Questa è una raccolta di proverbi in dialetto a sfondo meteo (qualcuno no) senza ordine

Se siete a conoscenza di altri li inseriremo

 

"Proverbi Triveneti"

 

"A caminare a stravento se fa senpre fadiga."///
"A Jenaro tuti i veci va a ponaro."///
"A l'Imacolata se scumizia l'invernata."///
"A l'istà piove a contrà."///
"A la vizilia de San Joani piove tuti i ani. (24/6)"///
"A le prime aque de Agosto la tortora la va via."///
"A Marzo ogni mato va descalzo."///
"A San Bassan on fredo da can. (19/1)"///
"A San Belin el jazo sol caìn. (12/10)"///
"A San Clemente l'inverno mete el dente. (23/11)"///
"A San Donato el fredo l'è fato. (7/8)"///
"A San Gioachin el primo freschin. (20/8)"///
"A San Gorgon xe finio el tenpo bon."///
"A San Luca el ton el va in zuca. (18/10)"///
"A San Martin casca le foje e se beve el bon vin."///
"A San Matìo el bel tenpo xe finio. (21/9)"///
"A San Modesto el fredo vien col zesto. (12/1)"///
"A San Nicòlo tira la neve sol colo. (6/12)"///
"A San Saturnin la neve sol camin. (28/11)."///
"A San Tizian on fredo can. (16/1)"///
"A San Valentin el giazo no tien gnanca pì on gardelin. (14/2)"///
"A Sant'Agnese el fredo passa le sfese. (21/1)"///
"A Sant'Andrea el fredo el monta in carega. (30/11)"///
"A Sant'Antonio dala barba bianca o piova o neve no la manca."///
"A Sant'Ubaldo se fa vanti el caldo. (16/5)"///
"A Santa Catarina el fredo se rafina. (25/11)"///
"A Santa Catarina la neve se inchina."///
"A Santa Liberata freda l'invernata. (18/1)"///
"A Santa Lucia la note pì longa che ghe sia. (13/12)."///
"A Santa Madalena piove apena."///
"A Setenbre, chi xe esperto no viaja mai descuerto."///
"A somenare col vento se perde la somenza."///
"Ai du passa la nuvola del Perdon. (2/8)"///
"Al dì d'i morti la neve xe ale porte. (2/11)"///
"Alba rossa, o vento i joza."///
"Ano piovoso, ano de merda."///
"Aqua de Agosto, miele e mosto."///
"Candelora, de l'inverno semo fora, ma se piove e tira vento de l'inverno semo drento."///
"Cativo inverno, cativo istà."///
"Che Dio el ne varda dal seco tra le do Madone."///
"Chi che pianta de Aprile cava de Majo."///
"Chi che pissa contro vento se bagna la camisa."///
"Chi che xe al cuerto quando che piove el xe mato s'el se move."///
"Chi nasse de Lujo no speta comare."///
"Chi sòmena vento rancura tenpesta."///
"Chi vole on bel ajàro lo pianta de Jenaro."///
"Co l'Adolorata se va verso l'invernata."///
"A Sant'Andrea se veste tuta la fameja."///
"Co' canta le zigàle de Setenbre no conprare gran."///
"Co' la piova e col vento, a pescare e a trare no starghe ndare."///
"Co' la vaca tien su el muso, bruto tenpo salta suso."///
"Co' névega sola foja l'è on inverno che fa oja."///
"Co' ruza el ton, da calche parte piove."///
"Co' toneza de Jenaro chi ga quatro vache se ne magna on paro."///
"Da San Giorgio se sòmena l'orzo. (23/4)"///
"Da San Matia oncora neve par la via."///
"Dai Santi tote sierpa e guanti."///
"De Febraro calche mato va senza tabaro."///
"De istà ogni beco fà late, de inverno gnanca le bone vache."///
"De la Candelora el dì cresse oncora."///
"De Marzo no bisognarìa che pissesse gnanca na rana."///
"Stajon de erba, stajon de merda."///
"A Santa Catarina el jazo so la pissina."///
"Aqua de Aprile, fromento sol barile."///
"De San Michele la piova la bagna la pele."///
"De San Tomìo le zornade torna indrio."///
"Del bon tenpo e dela bona zente no se se stufa mai."///
"Dio manda el fredo secondo i pani."///
"Dopo i Santi, fora el tabaro e anca i guanti."///
"El primo de Aprile, miti le zuche che le vien come on barile."///
"El tenpo fà i mistieri."///
"Febraro inevà fà bela l'istà."///
"Fin a Nadale fredo no fà: braghe da istà; dopo Nadale el fredo xe passà, braghe da istà."///
"Fredo e fame fà on bruto pelame."///
"Gran fredo de Jenaro se incolma el granaro."///
"I dì dela merla l'inverno te dà na sberla."///
"I du Santi del giazo: San Luigino e San Paolino i porta l'Inverno de Giugno."///
"Agosto cola el pionbo."///
"L'altissimo de sora ne manda la tenpesta, l'altissimo de soto ne magna quel che resta, e in mezo a sti du altissimi, restemo povarissimi."///
"L'aqua de Giugno ruina el munaro."///
"Aprile tenperà e Majo suto, formento dapartuto."///
"I ùltimi de Jenaro, sèntate sol fogolaro."///
"Co'l galo canta so la zena, se no xe belo se serena."///
"In istà la vache va in montagna a fare le siore, e le siore va in montagna a fare le vache."///
"Incalmà in onore de San Francesco, se no'l taca de verde el taca de seco."///
"Agosto madura, Setenbre vendema."///
"Jenaro co la pòlvare, granaro de ròare."///
"L'aqua de Majo ingrassa el formento."///
"L'aqua de San Gaetano la tole l'afano. (7/8)"///
"L'arcobaleno ala matina bagna el beco ala galina."///
"L'aria de Febraro xe come on loamaro."///
"L'aria de martina xe na bona medesina."///
"L'inverno l'è el boia di' veci, el purgatorio di' putei e l'inferno di' poariti."///
"L'onbra d'istà fà male ala panza d'inverno."///
"La joza scava la piera."///
"La luna nuova la cava el seco."///
"Co' xe soleselo ghe n'emo on brazelo."///
"La neve decenbrina disisète volte la se capina."///
"Agosto conpisse, Setenbre madurisse."///
"L'aqua de San Gregorio fà ranpegare la végna."///
"La piova de primavera ghe ronpe la rogna ala tera."///
"La vigilia de San Joani piove tuti i ani."///
"Le ràcole ciama piova."///
"Aprile piovoso, ano frutuoso."///
"Luna nuova tri dì de piova."///
"Co' piove so la rosà tuto el dì se ghe n'a."///
"Majo fresco e ventoso fà l'ano copioso."///
"Marzo el se fà vanti, el merlo el fà noze coi so canti."///
"Jenaro e Febraro i xe du misi che va a paro."///
"Par San Paolo el jazo va al diavolo."///
"Par tuti i Santi, manegoti e guanti."///
"Na bona aqua de Febraro vale pì de on loamaro."///
"Né de inverno, né de istà tabaro e onbrela mai a ca'."///
"Nebia bassa bel tenpo la lassa."///
"Neve de Jenaro inpina el granaro."///
"La piova del'Assension fà bela la stajon."///
"No tona mai par gnente."///
"No vien Majo se no fiorisse le rose."///
"Nuvole in montagna no bagna la canpagna."///
"O dal cao o dala coa l'inverno vol dire la soa."///
"Par i Santi, neve sui canpi; par i Morti, neve sui orti."///
"Majo fresco, paja e formento."///
"Par San Barnabà el dì pì longo de l'Istà."///
"Piova d'Istà, beati che che la ga."///
"El tenpo no ghe fà torto a nissuni."///
"Se l'invidia fusse rogna, quanti che se gratarìa."///
"Scherza co i fanti ma assa stare i Santi."///
"La piovesina ingana el vilan: par che no piova e la spassa el gaban."///
"Piova o sole, le strighe va in amore."///
"Majo ortolan, tanta paja e poco gran."///
"Marzo suto e Aprile bagnà: beato chel contadin che ga somenà."///
"Par San Corado vèrzi la porta al caldo."///
"Jenaro suto, gran dapartuto."///
"L'aqua smarzisse i pali."///
"Piova de San Piero, piova col caldiero."///
"L'aqua de San Giacomo la fà miracoli."///
"Quando che piove el dì de San Gorgon, piove par na stajon. (9/9)"///
"Saco vodo no sta in piè."///
"L'aria de San Matìa (24/2) dura fin a San Giorgio, e l'aria de San Giorgio dura fin a S.Urban."///
"San Piero benedisse la tenpesta."///
"Marzo spolvarento, poca paja e tanto formento."///
"Majo piovoso, vin costoso."///
"Se Marzo buta erba Aprile buta merda."///
"Se Marzo no incodega, a Majo no se sega."///
"Se no fa caldo a Lujo e Agosto sarà tristo el mosto."///
"Se no piove a San Medardo piove a San Gervasio. (19/6)"///
"La piova de San Bernardin la roba pan, ojo e vin."///
"Rispeta el can par el so paron."///
"Agosto rinfresca el bosco."///
"Quando che l'omo xe pien de vin el te parla anca in latin."///
"Ala vizilia de San Piero vien fora so mare. (29/6)"///
"Marzo sventolon, more la piègora e anca el molton."///
"Se a San Medardo piova, dopo quaranta dì rifà la prova. (8/6)"///
"El tenpo e la rason xe senpre del paron."///
"Se el primo tenporale el se sente a vale, bon ano senza tonpesta; se da monte a matina, on ano de ruina; se tona a mezodì o sera, bon ano se spera; se'l primo ton vien dal mantovan, vale pì el saco del pan."///
"Se fà belo a San Gorgon la vendema va benon."///
"Se fà fredo a San Luigino, farà caldo a San Paolino. (21/6-22/6)"///
"Se Febraro no verdéga in Aprile no se sega."///
"Se Giugno sguaza poco vin in taza."///
"L'aqua de San Joani guarisse tuti i malani."///
"Piova de Jenaro, erba de Febraro."///
"De Novenbre, quando tona xe segnal de anata bona."///
"Se piove ai quaranta Santi, aqua par altretanti."///
"Majo fresco, fava e formento."///
"Quando le nuvole vien dal mare, ciapa i buò e va a arare; quando le nuvole vien dal monte ciapa i buò e va ala corte."///
"San Valentin, el jazzo no'l tien pì gnanca on gardelin."///
"Piove pì àneme al'inferno che neve de inverno."///
"Se Jenaro no fà el giazo, Febraro fà el pajazo."///
"Se Majo fà fresco va ben la fava e anca el formento."///
"San Gregorion el pole portare on robalton. (3/9)"///
"Puina in ponta, formajo in crosta e salame in coa."///
"Se piove a San Giorgio ghe sarà carestia de fighi. (23/4)"///
"Piova de San Roco la dura poco."///
"Par el seco xe bona anca la tenpesta."///
"Se vento no tra, fredo no fà."///
"Se Marzo resenta, fromento e polenta."///
"On pomo de matina te cava el cataro e te fa pissare ciaro."///
"Se piove a Santa Desiderata, casca la ua e resta la grata. (14/6)"///
"Suta de Agosto, tonpesta de Majo."///
"El vento forte inpiza el fogo o 'l lo stua."///
"Se piove a Sant'Urban ogni spiga perde on gran."///
"O prima o dopo se fà anca le zuche."///
"Quando le done fa la lissia sola via, l'inverno sbrissa via."///
"Se piove a Santa Bibiana, piove par quaranta dì e 'na setimana."///
"Quando Mercurio insaca Giove, in setimana piove."///
"No se pole avere la bota piena e la mojère inbriaga."///
"Stele fisse ciama piova."///
"Se Majo rasserena, ogni spiga sarà piena."///
"Se piove ai primi de Majo, nose e fighi fà bon viajo."///
"Se piove a Sant'Ana, la xe na mana."///
"Sole de vero porta al zimitero."///
"San Biasio, ultimo barbon marcante de neve. (3/2)"///
"Se'l tona el dì de San Duane, le cuche va sbuse e le nosèle vane. (24/6)"///
"No ghe xe pignata che covercio no la cata."///
"Marzo sventolaro fromento in granaro."///
"Se piove a San Paolo e Piero, piove par on ano intièro. (29/6)"///
"Quel che Lujo no vole, Setenbre no pole."///
"No bisogna domandarghe a l'osto se'l ga bon vin."///
"Stropa longa, inverno longo; stropa curta, inverno curto."///
"Maroni e vin novo, scoreze de fogo."///
"San Vincenzo, gran fredura; San Lorenzo, gran calura: l'uno e l'altro poco i dura."///
"Mai fare male par spetarse ben."///
"San Vidale, marcante de piova. (28/4)"///
"Libri, done e cavai no se inpresta mai."///
"Legna de fasso presto te vedo e presto te lasso."///
"La speranza xe el pan d'i poariti."///
"Par San Matio le jornade torna indrio."///
"Sole de vero e aria de fessura porta ala sepoltura."///
"La note xe fata pa' i alochi."///
"La boca no xe straca se prima no la sa de vaca."///
"Quando le nuvole va in montagna, ciapa la zapa e va in canpagna."///
"L'amore no xe fato solo de amore."///
"I schei vien de passo e i va al galopo."///
"I muri veci fà panza."///
"I difeti xe come i odori: li sente pì chi che ghe xe intorno che chi che li porta."///
"Quando la ràcola canta, piova tanta."///
"Quando a Otobre scurisse e tòna, l'invernada sarà bona."///
"Ghe xe pì tenpo che vita."///
"Par San Damàso el fredo al toca el naso."///
"El tenpo, el culo e i siuri i fà quelo ch'i vole luri."///
"Quando che l'Anzolo Michele se bagna le ale piove fin a Nadale."///
"Fin che ghe xe fià ghe xe speranza."///
"Ala Madona de Agosto rinfresca el bosco. (15/8)."///
"Fà la corte ale vecie se te vo' piasérghe ale zòvane."///
"Se piove a San Gregorion, piove tuta la stajon. (3/9)"///
"Quando el Monte ga el capelo o fa bruto o fa belo."///
"El sapiente sa poco, l'ignorante el sa massa, ma el mona sa tuto."///
"Neve novenbrina trédese volte la se rafina."///
"Soto la neve, pan; soto l'aqua, paltan."///
"Majo suto, gran dapartuto."///
"Beato l'Istà co tuti i pulzi e i zìmesi che'l ga."///
"El laòro dela sega el slonga i brazi e 'l scurza la tega."///
"El can de du paruni more de fame."///
"El cafè xe bon sentà, scotà e scrocà."///
"Drio ai ani ghe va el judizio."///
"Del pito el passo, del polo el volo."///
"Santa Fosca, se giazo la trova col fuso la scoa; se giazo no la ghe n'à catà, giazo la fà. (13/2)"///
"Quando che'l galo canta zo de ora, doman no xe pì el tenpo de 'sta ora."///
"Se piove a San Vito e Modesto, la ua va torla col zesto. (15/6)"///
"Co' se sta ben se more."///
"Co' na man se da e co' staltra se riceve."///
"Co' ghe n'è massa le cioche se beca."///
"Chi no sa rìdare no sa vìvare."///
"Santa Giuliana el fredo se rufiana. (16/2)"///
"Quando el Monte fa el pan, se no piove oncuò piove doman."///
"Chi davanti te leca de drio te sgrafa."///
"Quando che piove col sole le strighe fà l'amore."///
"Casa neta, dona regina."///
"Bela in fassa, bruta in piaza."///
"Sant'Omobon, neve o tenpo bon. (13/11)"///
"Beata chela sposa che la prima che la ga la sia na tosa."///
"Al son de la canpana (schei) ogni dona se fa putana."///
"A tirarse massa indrio se finisse col culo in rio."///
"San Prodocimo e San Daniele marcanti de neve. (7/11)"///
"A Messa, tuti no pole stare tacà al prete."///
"San Colonban el riva co la neve in man. (21/11)"///
"A dieta el mal se chieta."///
"Aqua setenbrina, velen par la cantina."///
"Amore senza barufa fà la mufa."///
"Amore, tosse e panza no se sconde."///
"Chi pì capisse pì patisse."///
"Co'l gran se incurva el contadin se indriza."///
"Rosso de sera bel tenpo se spera."///
"Dura depì na pignata rota che una sana."///
"Quando che'l sole se volta indrio, xe belo anca el dì drio."///
"Se no piove so l'olivela piove so la brazadela."///
"El pan del poareto xe senpre duro."///
"Se piove el dì de Santa Crose el fà cascare le nose."///
"L'istà de San Martin dura tri dì e on pochetin."///
"Fin che'l mèdego pensa el malà muore."///
"L'avaro farìa de manco de cagare par no butare via gnanca quela."///
"Quando xe ciara la montagna, magna, bivi e va in canpagna."///
"La mojère xe come na scoreza: o ti 'a moli o ti 'a sòfeghi."///
"Sa volì védare el diluvio universale, metì dodese preti a tola a magnare."///
"La roba in mostra xe quela che no se vende."///
"Le mosche le va drio ai cavai magri."///
"Magnà i gànbari se ciucia anca le zate"///
"Se piove el dì de San Gorgonio, autuno demonio."///
"Miti le straze int'on canton che vegnarà la so stajon."///
"Sant'Antonio Barbon (Abate) marcante de neve."///
"No fare el passo pì longo del ganba."///
"Par San Fredian la neve la va al monte e al pian."///
"Aria setenbrina, fresca la sera fresca la matina."///
"Oci mori, rubacuori; oci bisi, paradisi; oci celeste fà inamorare; oci bianchi fà cagare."///
"On ocio ala gata e staltro ala paèla."///
"Panza piena vole riposo."///
"Parenti mal de denti."///
"Rosso de matina, o piova o piovesina."///
"Pitosto che spàndarghene on jozo xe mejo bévarghene on pozo."///
"Prima de parlare, tasi."///
"Vento de Majo, poco tormento."///
"Ramo curto vendema longa."///
"Roba rara, roba cara."///
"Sa pì el papa e on contadin che el papa da elo solo."///
"Schei e amicissia orba la giustissia."///
"Se Giugno sguaza poco vin in taza."///
"Sete òmani no mena drento col caro quanto che na fémena la porta fora co la traversa."///
"Quando semo a San Simon, ogni straza la vien bon."///
"Signore, fà ca no sia beco; se ghe so', fà ca no lo sapia; se lo sò, fà ca no ghe bada."///
"Tanti paìsi e tante usanze, tante teste e tante panze."///
"Quando che se sente el ton da calche parte piove."///
"Marzo, par quanto tristo che'l sia, el buò al'erba e 'l cavalo al'onbrìa."///
"Se 'l dì de San Martin el sole se insaca, vendi el pan e tote la vaca; Se 'l va zo seren, vendi la vaca e tiente el fen. (11/11)"///
"Tore el ben quando el vien."///
"Se piove de San Gorgon, sete brentane e on brentanon."///
"Tra arte e busia se vende la marcanzia."///
"Se Sant'Antonio fa el ponte, San Paolo lo ronpe."///
"Tri calighi fà na piova, tre piove na brentana e tri festini na putana."///
"Tre volte bon fà mona Tri ani dura on sieve , tri sieve dura on can, tri can dura on cavalo"///
"Sant'Urban pastore de nuvole."///
"Zercio de luna, se no piove piovesina."///
"Se vènta ai tri de Marzo e al dì de San Gregorio, vènta par quaranta dì. (12/3)"///
"Tuti i stronzi fuma."///
"Se piove de San Duane, fen e paja deventa loame."///
"Tuto ga fine."///
"Uno roba la polpa e 'staltro ciapa la colpa."///
"Dicenbre se tole e no rende."///
"Vale depì na candela davanti che on candeloto de drio."///
"Quando che'l fumo va in tera, burasca se spera."///
"Vedendo uno te lo conossi mezo, co' 'l parla te lo conossi tuto."///
"Voja o no voja, Pasqua fà foja."///
"Quando piove par la Crose, bon el gran, triste le nose."///
"Santa Barbara benedeta, tien distante el fulmine e la saeta. (4/12)"///
"Vòltate indrio e te ghe ne vedarè de pezo"///
"Xe mèjo on mòcolo che 'ndare in leto al scuro."///
"Xe pì fadiga tasére che parlare."///
"Zapa sposa baile."///
"Volta i cai dopo na piova."///
"Toso tanto studiso, toso poco amoroso."///
"Tenpo e paja fà fare i néspoli."///
"Vento che sùbia e fogo de paja sbala presto."///
"Dicenbre, davanti el te scalda e de drio el te ofende."///
"Quando xe ciara la marina, magna, bivi e va in cusina."///
"Se piove sole Palme no piove sui ovi."///
"Se San Michele se bagna le ale, piove fin a Nadale."///
"Pòlvare de Jenaro la inpina el granaro."///
"Se va ben la matina, tuto el dì ben camina."///
"Se Otobre camina lento te pol èssare contento."///
"Sa volì ca ve lo diga ve lo digo: chi che casca in povertà perde l'amigo."///
"Rose e ortighe, mai amighe"///
"Tre burane fà na piova."///
"Se piove par San Vio al vin còreghe drio."///
"Tenpo, done e siuri i fà come che i vole luri."///
"Tante nosèle, tanta neve."///
"Santa Luzzia el fredo cruzzia. (13/12)"///
"Se San Michele no se bagna le ale, farà belo fin a Nadale."///
"Se piove sui cavajuni, bondanza de galine e ovi."///
"Se piove da la Madona, la xe oncora bona."///
"Se piove a San Duane se suga le fontane."///
"Se piove a San Bàrnaba la ua bianca la va via; se piove da matina a sera, va via la bianca e anca la nera. (11/6)"///
"Se piove a Pentecoste, tute le entrate no le xe nostre."///
"Santa Eulalìa el fredo la porta via. (12/2)"///
"Sant'Antonio Abate se no ghe xe el jazzo el lo fà, se'l ghe xe el lo desfa."///
"San Valentin dal fredo fin, l'erba la mete el dentin. (14/2)"///
"San Biasio, el fredo va adasio."///
"Sale bagnà ciama piova."///
"Rosso de matina la piova se avizina."///
"Quando se vede la raìna se no piove oncuò piove domatina."///
"Quando la canavera fà el penacio, tanta neve e tanto jazzo."///
"Quando che'l sole indora, nieve, nieve e nieve oncora."///
"Quando che tira vento, ghe xe fredo co ogni tenpo."///
"Quando che piove i mati se move."///
"Primavera de Jenaro la ruina el persegaro."///
"Primo de Agosto, capo de inverno."///
"A la Madalena zeole e pomidori par zena.(22Luglio)///
"Se te voi castegne e mosto che piova d'Agosto"///
"A San Bastian un'ora, un paso de can"///
"Chi lavora ea tera bagnada par tre ani la gà rovinada"///

 

Login

Il modulo login serve ai nostri Editori per loggarsi e scrivere gli articoli. Vuoi diventare un nostro Editore? Contattaci